انتوا ايه معيشكوا في الزمن دا اصلا... قوموا تعالوا بينا من هنا... يلا البساط السحري هيفوتنا... يلاا

بسم الله الرحمن الرحيم
انا حبيت اول مشاركة ليا تبقي حاجة جديدة ومختلفة

اكيد كلنا عمرنا ما ننسي ايام زمان
احلي ايام
الطفولة وافلام الكرتون
ايام ما كنا بنضحك من قلبنا
ومش شايلين اي مسئوليات

ماحدش ينكر انه مشتاق اوي للايام دي
وانه بيفرح ويضحك من قلبه لما يفتكرها
او لما يلاقي حد من الاطفال اللي حواليه بيفكره بطفولته ويرجعه للأيام دي
عشان كدا انا جيت أخدكوا ولو شوية صغننين للايام دي
تعالوا كدا نفتكر سوا كنا بنتفرج علي ايه في التليفزيون
ايام القناه الاولي والتانية ولو السته جت يبقي انتوا التليفزيون بتاعكوا متطور
فاكرين ماما زوزو الجميله وحكايات الف ليله وليله في الراديو




ويا سلام علي بوجي وطمطم اللي كنا كلنا بنتلف حواليها



الله بقي عليك يا جدو علي يا جميل


طيب فاكرين اغنية ابريق الشاي


ولا الجميل سمير غانم ومسلسل فطوطة


طيب فاكرين البنوته الامورة اللي كانت بتغني بولا بولا


طب حد فاكر بقي فوازير عمو فؤاد وعمو فؤاد رايح يصطاد


ويا سلام بقي علي مسلسل كوكي كاك كوكي كاك


اخر حاجه بقي ودي جت حديثة شوية مسلسل بكار